Leaving Q-Town

Da bin ich nomal. Usem Internetkafi in Queenstown.

Die letzte paar taeg sind vorallem vo vill fahre praegt gsi. Mir haend i 2 Taeg d Strecki vo Nelson uf Queenstown under d Raeder gno (ca. 650 km) uf em Waeg haemmer die malerisch Westkueste vo dae Suedinsle abfotografiert und in oisne Gedaechtnis verewigt.
Wiiter isches gange durch raegewaldaehnlichi Stroessli richtig Franz Josef Gletscher. Au det haemmer en chliine Stop igleit und oisi Flip-Flop gschundene Fuess ide vertammi chalte Gletschermilch badet (Dae Simon gspuert sit 5 Taeg sin Zaeche-Tanga als Phantomschmerz obwohl er d Flip Flops scho nuemme ahaet).
Daenn verbii a schoene Seelandschafte ide Southern Alps ueber sich windendi Passstrasse. Eifach gigantisch en riese See, malerischi Kulisse vo verschneite Berggipfel, Sunneschii und (im Gegesatz zu de Schwiiz) keis einzigs Huus oder Boot wiit und breit.

Ich bin sit ich da une bin gfroegt worde was fuer en Grund das es git zum wieder id Schwiiz zrugg cho. Ussert mini Liebschte isch mir so spontan nuet igfalle. (Ussert das da d Wuerscht gruusig sind)

Gester haemmer en Shoppingtag iigleit und Souvenier poeschtelet daenn am abig go Cricket und Tennis luege, was fuer en gnuss. Dezue chli Speights(s Bier vo dae Suedinsle) zum s Fett vo dae Fritte uufloese. Und daenn zfride is Bett ga, Ohrestoepsel inehaue und sich vorstelle s Schnarche wo durch die 3 cm Schuumstoff dringt isch s Meeresrusche und scho klappets mitem ischlafe.

Huet gahts wiiter..... mir wuessed au noni wo ane aber det wirds sicher wider ae sauglaetti.

Kia Ora gabe

PS: Es Haet neui Foeteli gae. (Noed so vill aber defuer schoeni)

Neuseeland